امریکا میں شدید برفباری،ہزاروں پروازیں منسوخ،ہنگامی حالت نافذ
Web Desk
28 December 2025
امریکا کی شمال مشرقی ریاستوں میں شدید برفباری کے باعث نظامِ زندگی بری طرح متاثر ہو گیا، جبکہ ہزاروں فضائی پروازیں منسوخ کر دی گئیں۔
میڈیا رپورٹس کے مطابق نیویارک، نیوجرسی اور کنیکٹی کٹ میں سڑکیں برف کی موٹی تہہ سے ڈھک گئیں، جب کہ تیز سرد ہواؤں اور مسلسل برفباری کے باعث حدِ نگاہ انتہائی کم ہو گئی۔ امریکی محکمہ موسمیات کا کہنا ہے کہ نیویارک کے سینٹرل پارک میں 4.3 انچ برف ریکارڈ کی گئی، جو جنوری 2022 کے بعد سب سے زیادہ ہے۔
شدید موسم کے اثرات کے باعث فضائی آپریشن شدید متاثر ہوا اور مختلف ایئرپورٹس پر 2100 سے زائد پروازیں منسوخ کر دی گئیں۔ نیوجرسی میں ایمرجنسی نافذ کر دی گئی ہے، جبکہ نیشنل ویدر سروس نے نیویارک اور کنیکٹی کٹ کے لیے برفانی طوفان کی وارننگ جاری کر دی ہے۔ نیویارک کے گورنر نے بھی ہنگامی حالت کا اعلان کرتے ہوئے متعلقہ اداروں کو الرٹ رہنے کی ہدایت کی ہے۔
حکام نے شہریوں سے اپیل کی ہے کہ غیر ضروری سفر سے گریز کریں اور بلا ضرورت گھروں سے باہر نہ نکلیں۔ ریسکیو، میونسپل اور برف ہٹانے والے ادارے سڑکوں کی بحالی اور ہنگامی اقدامات میں مصروف ہیں، تاہم ماہرین نے خبردار کیا ہے کہ مزید برفباری سے حالات مزید سنگین ہو سکتے ہیں۔
متعلقہ عنوانات
اماراتی صدر سے امریکی وزیر داخلہ کی ملاقات، دوطرفہ تعلقات و علاقائی صورتحال پر تبادلہ خیال
22 November 2026
امریکا اور کینیڈا کی افواج کے درمیان تعاون محدود کرنے کا مبینہ خفیہ میمو سامنے آگیا
22 November 2026
ٹرمپ کا یورپی ممالک کو یوکرین جنگ پر اخراجات کم کرنے کا مشورہ
22 November 2026
امریکہ نے ایران کا ایف 16 طیارے کو نشانہ بنانے کا دعویٰ مسترد کر دیا
22 November 2026
امریکی تحقیقاتی ادارے ایف بی آئی کے کرائم انفارمیشن سینٹر کا ڈیٹا بیس ہیک ہو گیا
22 November 2026
ٹرمپ کا ایران کے ساتھ مستقل جوہری معاہدہ کرنے کا اعلان
21 November 2026
امریکا، ایران تنازع کا حل جلد نکلنے کی امید ہے، نائب وزیر اعظم اسحاق ڈارکا یورو نیوز کو انٹرویو
21 November 2026
امریکی ایف بی آئی کا حساس جرائم کا ڈیٹا بیس ہیک کرلیا گیا
21 November 2026