LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سری لنکا کے خلاف ٹیسٹ سیریز میں کامیابی، وزیراعظم شہباز شریف کی قومی ٹیم کو مبارکباد علیمہ خان کی نظر بندی سے متعلق درخواست جلد سماعت کے لیے منظور چھوٹے صوبے یا بادشاہتیں اور ان پر ایک شہنشاہ، ایسے ملک نہیں چلے گا: سعد رفیق پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز معاشی ترقی کی باگ ڈور نجی شعبے کو دینا ہوگی: مشیر نجکاری محمد علی کراچی: لانڈھی میں گھر کے اندر فائرنگ، خاتون سمیت 3 افراد جاں بحق پاکستان سٹاک مارکیٹ میں کاروبار کے آغاز پر مثبت رجحان اسلام آباد پولیس کی SWAT فورس کو 20 نئی گاڑیاں فراہم کر دی گئیں پاکستان اور مالدیپ کے درمیان بحری تجارت اور تعاون بڑھانے پر اتفاق خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال پاکستان اور مالدیپ کے درمیان بحری تجارت اور تعاون بڑھانے پر اتفاق اسلام آباد پولیس کی SWAT فورس کو 20 نئی گاڑیاں فراہم کر دی گئیں

علیمہ خان کی نظر بندی سے متعلق درخواست جلد سماعت کے لیے منظور

Web Desk

20 November 2026

لاہور ہائیکورٹ نے بانی پی ٹی آئی کی ہمشیرہ علیمہ خان اور ان کے ڈرائیور کی نظر بندی کے خلاف دائر درخواست پر جلد سماعت کی متفرق استدعا منظور کرتے ہوئے رجسٹرار آفس کو کیس سماعت کے لیے مقرر کرنے کی ہدایت کر دی ہے۔

عدالتی کارروائی کے مطابق جسٹس عبہر گل خان نے علیمہ خان کی نظر بندی کے خلاف دائر درخواست پر سماعت کی، جس میں علیمہ خان کے بیٹے شاہریز خان کی جانب سے کیس کی جلد سماعت کے لیے دائر کی گئی متفرق درخواست کو عدالت نے منظور کر لیا۔

درخواست گزار شاہریز خان نے اپنی درخواست میں حکومتِ پنجاب، محکمہ داخلہ، ڈپٹی کمشنر لاہور اور دیگر متعلقہ حکام کو فریق بناتے ہوئے علیمہ خان، عظمیٰ خان اور نورین نیازی کی نظر بندی کے احکامات کو چیلنج کیا تھا۔

درخواست گزار کی جانب سے درخواست میں یہ مؤقف اختیار کیا گیا ہے کہ ڈپٹی کمشنر لاہور نے مبینہ طور پر غیر قانونی طور پر نظر بندی کے احکامات جاری کیے اور اس ضمن میں تھری ایم پی او (3-MPO) کے طے شدہ قانونی طریقہ کار پر عمل درآمد نہیں کیا گیا۔ درخواست میں مزید کہا گیا ہے کہ علیمہ خان کی گرفتاری کے بعد ان کی نظر بندی کے احکامات جاری کیے گئے، حالانکہ پولیس مقدمہ نمبر 96/23 میں علیمہ خان اور عظمیٰ خان کو پہلے ہی بے گناہ قرار دے چکی ہے۔

درخواست میں عدالتِ عالیہ سے استدعا کی گئی ہے کہ ڈپٹی کمشنر لاہور کی جانب سے جاری کردہ نظر بندی کے احکامات کو کالعدم قرار دیا جائے، جبکہ درخواست کے متن کے مطابق عظمیٰ خان اور نورین نیازی پہلے ہی رہا ہو چکی ہیں۔