LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سری لنکا کے خلاف ٹیسٹ سیریز میں کامیابی، وزیراعظم شہباز شریف کی قومی ٹیم کو مبارکباد علیمہ خان کی نظر بندی سے متعلق درخواست جلد سماعت کے لیے منظور چھوٹے صوبے یا بادشاہتیں اور ان پر ایک شہنشاہ، ایسے ملک نہیں چلے گا: سعد رفیق پنجاب کے ہر ضلع میں کیتھ لیب، چلڈرن ہسپتال قائم کرنا چاہتے ہیں: مریم نواز معاشی ترقی کی باگ ڈور نجی شعبے کو دینا ہوگی: مشیر نجکاری محمد علی کراچی: لانڈھی میں گھر کے اندر فائرنگ، خاتون سمیت 3 افراد جاں بحق پاکستان سٹاک مارکیٹ میں کاروبار کے آغاز پر مثبت رجحان اسلام آباد پولیس کی SWAT فورس کو 20 نئی گاڑیاں فراہم کر دی گئیں پاکستان اور مالدیپ کے درمیان بحری تجارت اور تعاون بڑھانے پر اتفاق خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال خیبر پختونخوا میں امن و استحکام برقرار رکھنے کے لیے پُرعزم ہیں: فیلڈ مارشل مدارس و جدید تعلیمی نظام میں ہم آہنگی وقت کی اہم ضرورت ہے: احسن اقبال پاکستان اور مالدیپ کے درمیان بحری تجارت اور تعاون بڑھانے پر اتفاق اسلام آباد پولیس کی SWAT فورس کو 20 نئی گاڑیاں فراہم کر دی گئیں

چھوٹے صوبے یا بادشاہتیں اور ان پر ایک شہنشاہ، ایسے ملک نہیں چلے گا: سعد رفیق

Web Desk

20 November 2026

سابق وفاقی وزیر اور مسلم لیگ (ن) کے سینئر رہنما خواجہ سعد رفیق نے کہا ہے کہ ملک میں سیاسی سلطنتیں ضرور ختم ہونی چاہئیں، مگر ایسا نہ ہو کہ چھوٹی بادشاہتیں قائم کر دی جائیں اور ان پر شہنشاہ ایک ہی رہے؛ اس طرح نہ تو ملک چلے گا اور نہ ہی آگے بڑھے گا، اس لیے اس معاملے میں عجلت سے گریز کرنا مناسب ہوگا۔

سماجی رابطے کی ویب سائٹ ’ایکس‘ (سابقہ ٹوئٹر) پر جاری اپنے ایک تفصیلی پیغام میں خواجہ سعد رفیق کا کہنا تھا کہ موجودہ بوسیدہ نظامِ حکمرانی کو محض چھوٹے صوبے بنا کر درست کرنے کی سوچ ناقابلِ فہم ہے۔ انہوں نے واضح کیا کہ چھوٹے صوبے بنانا ایک مثبت عمل ضرور ہے، لیکن پیشگی بنیادی اصلاحات کیے بغیر اس اقدام کا کوئی فائدہ نہیں ہوگا۔

انہوں نے زور دیتے ہوئے کہا کہ سب سے پہلے شفاف نمائندہ جمہوریت کے تقاضے پورے کیے جائیں، سیاست میں غیر جمہوری مداخلت اور پیسے والوں کی حکمرانی کا خاتمہ کیا جائے، تعلیم یافتہ مڈل کلاس کے لیے سیاست میں آنے کا راستہ ہموار کیا جائے اور سول سروس سمیت عدالتی اصلاحات نافذ کی جائیں۔

خواجہ سعد رفیق کا مزید کہنا تھا کہ ملک میں جاری شدید سیاسی تناؤ، دہشت گردی، افلاس کی انتہا، مفلوج نظامِ عدل، متنازع پارلیمنٹ اور غیر سیاسی مداخلت کی موجودگی میں ممکن ہے کہ چھوٹے صوبے بنا لیے جائیں، لیکن ایسا نظام ناپائیدار ہوگا اور ملک میں نئی پیچیدگیوں کو جنم دے گا۔

سابق وفاقی وزیر نے کہا کہ ہمارا سب سے بڑا مسئلہ بھوک، غربت، ناانصافی، دہشت گردی، بنیادی حقوق کی پامالی، سیاسی انتقام اور غیر آئینی عوامل کا خاتمہ ہے۔ اگر ملک کو درست سمت میں چلانا ہے تو پہلے ان مصائب سے قوم کی جان چھڑائی جائے اور جلد بازی سے کام لے کر چھوٹے صوبے بنانے جیسے ترقی پسند اقدام کو متنازع نہ بنایا جائے۔ آخر میں انہوں نے سوال اٹھایا کہ آیا اس معاملے پر کوئی قائل کرنے والا یا قائل ہونے والا موجود ہے بھی یا نہیں۔