LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک ریفرنڈم کوئی غیر آئینی مطالبہ نہیں جمہوری راستہ ہے: طارق فضل چوہدری پمز میں تحقیقات کیلئے ایف آئی اے کا چھاپہ، ریکارڈ فراہم کردیا گیا: ترجمان محمود خان اچکزئی سے راجہ ناصر عباس اور مصطفیٰ نواز کھوکھر کی ملاقات وزارت خارجہ میں گندھارا سٹریٹجک ڈائیلاگ کا آغاز، آٹھ ایشیائی ممالک کے وفود شریک فضائی آلودگی، لاہور دنیا بھر میں دوسرے جبکہ کراچی ساتویں نمبر پر حکومت نے پٹرولیم مصنوعات کی قیمتوں میں مزید کمی کردی امریکہ میں کم عمر بچی کو آن لائن جنسی استحصال کی دھمکیاں دینے والا ملزم گرفتار اسلام آباد میں مکان سے بھاری مقدار میں حرام جانوروں کا گوشت برآمد، مقدمہ درج سسٹم ری سیٹ پر یہ سوال اٹھایا، نظام کی تباہی شروع کہاں سے ہوئی؟ بلاول بھٹو نوازشریف اور مریم نواز دو روزہ دورے پر وادیٔ نیلم پہنچ گئے عالمی سب میرین کیبل میں خرابی: پاکستان میں بھی انٹرنیٹ صارفین متاثر سہ فریقی ملاقات سے غیر معمولی توقعات نہیں، مشترکہ اعلامیے پر کام جاری ہے: کریملن پٹرول 133، ڈیزل میں 162 روپے لٹر کمی کرکے عوام کو بڑا ریلیف دیا: اسحاق ڈار دہشتگرد تنظیموں کی پرواہ نہیں کی، کسی سردار سے خوفزدہ نہیں ہوں گے: سرفراز بگٹی

پمز میں تحقیقات کیلئے ایف آئی اے کا چھاپہ، ریکارڈ فراہم کردیا گیا: ترجمان

Web Desk

18 November 2026

پاکستان انسٹی ٹیوٹ آف میڈیکل سائنسز (پمز) کے ترجمان نے ہسپتال کے سرجیکل فضلے کی تلفی کے معاملے پر وضاحت جاری کرتے ہوئے کہا ہے کہ وفاقی تحقیقاتی ادارے (ایف آئی اے) نے مبینہ بے ضابطگیوں کی تحقیقات کے لیے ہسپتال میں چھاپہ مارا، جس کے دوران پمز انتظامیہ نے مکمل تعاون کرتے ہوئے تمام متعلقہ ریکارڈ ایف آئی اے ٹیم کے حوالے کر دیا ہے۔

پمز ترجمان کے مطابق ہسپتال میں سرجیکل فضلے کی تلفی سے متعلق ایف آئی اے کی تحقیقات جاری ہیں اور انتظامیہ اس عمل میں تحقیقاتی ٹیم کو ہر ممکن معاونت فراہم کر رہی ہے۔ ترجمان نے وضاحت کی کہ ہسپتال کے سرجیکل فضلے کو تلف کرنے کا کام ایک باقاعدہ معاہدے کے تحت نجی کمپنی کو سونپا گیا تھا، تاہم ہسپتال میں پیدا ہونے والے سرجیکل فضلے کی مقدار تلفی کی دستیاب استعداد سے کہیں زیادہ تھی۔

ترجمان پمز کا مزید کہنا تھا کہ اس سنگین مسئلے سے آگاہ کرنے کے لیے ہسپتال انتظامیہ کی جانب سے وزارتِ ماحولیات کو باضابطہ خط بھی لکھا گیا تھا، جبکہ اب پورے معاملے کی شفاف چھان بین کے لیے پمز انتظامیہ نے اپنی سطح پر ایک انکوائری کمیٹی بھی تشکیل دے دی ہے۔

پمز ترجمان کے مطابق انکوائری کمیٹی کی رپورٹ آئندہ چند روز میں مکمل ہونے کی توقع ہے اور رپورٹ مرتب ہونے کے بعد اسے میڈیا کے ساتھ بھی شیئر کیا جائے گا۔ واضح رہے کہ گزشتہ روز ذرائع سے یہ اطلاعات سامنے آئی تھیں کہ ایف آئی اے نے پمز ہسپتال میں مبینہ طور پر غیر قانونی طریقے سے طبی فضلہ فروخت کیے جانے کی شکایات پر سرجیکل ویسٹ اسٹور پر چھاپہ مار کر اہم ریکارڈ قبضے میں لے لیا تھا۔