LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک ریفرنڈم کوئی غیر آئینی مطالبہ نہیں جمہوری راستہ ہے: طارق فضل چوہدری پمز میں تحقیقات کیلئے ایف آئی اے کا چھاپہ، ریکارڈ فراہم کردیا گیا: ترجمان محمود خان اچکزئی سے راجہ ناصر عباس اور مصطفیٰ نواز کھوکھر کی ملاقات وزارت خارجہ میں گندھارا سٹریٹجک ڈائیلاگ کا آغاز، آٹھ ایشیائی ممالک کے وفود شریک فضائی آلودگی، لاہور دنیا بھر میں دوسرے جبکہ کراچی ساتویں نمبر پر حکومت نے پٹرولیم مصنوعات کی قیمتوں میں مزید کمی کردی امریکہ میں کم عمر بچی کو آن لائن جنسی استحصال کی دھمکیاں دینے والا ملزم گرفتار اسلام آباد میں مکان سے بھاری مقدار میں حرام جانوروں کا گوشت برآمد، مقدمہ درج سسٹم ری سیٹ پر یہ سوال اٹھایا، نظام کی تباہی شروع کہاں سے ہوئی؟ بلاول بھٹو نوازشریف اور مریم نواز دو روزہ دورے پر وادیٔ نیلم پہنچ گئے عالمی سب میرین کیبل میں خرابی: پاکستان میں بھی انٹرنیٹ صارفین متاثر سہ فریقی ملاقات سے غیر معمولی توقعات نہیں، مشترکہ اعلامیے پر کام جاری ہے: کریملن پٹرول 133، ڈیزل میں 162 روپے لٹر کمی کرکے عوام کو بڑا ریلیف دیا: اسحاق ڈار دہشتگرد تنظیموں کی پرواہ نہیں کی، کسی سردار سے خوفزدہ نہیں ہوں گے: سرفراز بگٹی

امریکہ میں کم عمر بچی کو آن لائن جنسی استحصال کی دھمکیاں دینے والا ملزم گرفتار

Web Desk

18 November 2026

امریکی تحقیقاتی ادارے ایف بی آئی (FBI) کی شکایت پر نیشنل سائبر کرائم انویسٹی گیشن ایجنسی (این سی سی آئی اے) لاہور نے بڑی کارروائی کرتے ہوئے امریکہ میں مقیم کم عمر بچی کو آن لائن جنسی استحصال کا نشانہ بنانے اور سنگین دھمکیاں دینے کے الزام میں مرکزی ملزم کو گرفتار کر لیا ہے، جبکہ ملزم کے قبضے سے دو موبائل فونز بھی برآمد کر لیے گئے ہیں۔

ترجمان این سی سی آئی اے کے مطابق امریکی سفارت خانے اسلام آباد کی جانب سے ایف بی آئی کے ذریعے موصول ہونے والی شکایت وزارتِ خارجہ اور وزارتِ داخلہ کے توسط سے این سی سی آئی اے کو باضابطہ طور پر بھجوائی گئی تھی، جس پر فوری انکوائری کا آغاز کیا گیا۔ ترجمان نے بتایا کہ تحقیقات میں ایک گوگل اکاؤنٹ اور ٹک ٹاک اکاؤنٹ کے ذریعے امریکہ میں مقیم 9 سالہ بچی سے بچوں کے جنسی استحصال سے متعلق مواد طلب کرنے اور اسے ہراساں کرنے و دھمکیاں دینے کے شواہد سامنے آئے۔

ابتدائی تکنیکی معلومات اور گوگل کی جانب سے فراہم کردہ صارف کی تفصیلات کی بنیاد پر مبینہ اکاؤنٹ کے استعمال کا تعلق لاہور کے علاقے جوہر ٹاؤن سے سامنے آیا، جبکہ مارچ اور اپریل 2026ء کے دوران اکاؤنٹ لاگ اِن کے لیے ٹیلی نار پاکستان کے آئی پی ایڈریسز استعمال ہونے کی نشاندہی ہوئی۔

ترجمان این سی سی آئی اے کے مطابق ایڈیشنل ڈائریکٹر کی باقاعدہ اجازت سے خصوصی ٹیم نے چھاپہ مار کارروائی کرتے ہوئے ملزم محمد ہاشم طاہر کو گرفتار کر لیا۔ کارروائی کے دوران ملزم کے قبضے سے ایک آئی فون 15 اور ایک اینڈرائیڈ فون برآمد کیے گئے، جن میں سے آئی فون 15 میں متعلقہ گوگل اکاؤنٹ لاگ اِن پایا گیا جبکہ اینڈرائیڈ فون سے ایک سم کارڈ بھی برآمد ہوا ہے۔ ترجمان کا کہنا ہے کہ واقعے سے متعلق مزید تفتیش اور برآمد شدہ ڈیجیٹل شواہد کا تفصیلی فرانزک جائزہ جاری ہے۔