LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک ریفرنڈم کوئی غیر آئینی مطالبہ نہیں جمہوری راستہ ہے: طارق فضل چوہدری پمز میں تحقیقات کیلئے ایف آئی اے کا چھاپہ، ریکارڈ فراہم کردیا گیا: ترجمان محمود خان اچکزئی سے راجہ ناصر عباس اور مصطفیٰ نواز کھوکھر کی ملاقات وزارت خارجہ میں گندھارا سٹریٹجک ڈائیلاگ کا آغاز، آٹھ ایشیائی ممالک کے وفود شریک فضائی آلودگی، لاہور دنیا بھر میں دوسرے جبکہ کراچی ساتویں نمبر پر حکومت نے پٹرولیم مصنوعات کی قیمتوں میں مزید کمی کردی امریکہ میں کم عمر بچی کو آن لائن جنسی استحصال کی دھمکیاں دینے والا ملزم گرفتار اسلام آباد میں مکان سے بھاری مقدار میں حرام جانوروں کا گوشت برآمد، مقدمہ درج سسٹم ری سیٹ پر یہ سوال اٹھایا، نظام کی تباہی شروع کہاں سے ہوئی؟ بلاول بھٹو نوازشریف اور مریم نواز دو روزہ دورے پر وادیٔ نیلم پہنچ گئے عالمی سب میرین کیبل میں خرابی: پاکستان میں بھی انٹرنیٹ صارفین متاثر سہ فریقی ملاقات سے غیر معمولی توقعات نہیں، مشترکہ اعلامیے پر کام جاری ہے: کریملن پٹرول 133، ڈیزل میں 162 روپے لٹر کمی کرکے عوام کو بڑا ریلیف دیا: اسحاق ڈار دہشتگرد تنظیموں کی پرواہ نہیں کی، کسی سردار سے خوفزدہ نہیں ہوں گے: سرفراز بگٹی

سسٹم ری سیٹ پر یہ سوال اٹھایا، نظام کی تباہی شروع کہاں سے ہوئی؟ بلاول بھٹو

Web Desk

18 November 2026

چیئرمین پاکستان پیپلز پارٹی (پی پی پی) بلاول بھٹو زرداری نے کہا ہے کہ انہوں نے ’’سسٹم ری سیٹ‘‘ کے معاملے پر یہ بنیادی سوال اٹھایا تھا کہ آخر ملکی نظام کی یہ تباہی شروع کہاں سے ہوئی، جبکہ اس بحث کا آغاز انہوں نے نہیں بلکہ محسن نقوی نے کیا تھا۔

ایک نجی ٹی وی چینل کو خصوصی انٹرویو دیتے ہوئے بلاول بھٹو زرداری نے کہا کہ محسن نقوی ان کے بھائی ہیں اور وہ ان کا بے حد احترام کرتے ہیں، تاہم نظام کے ری سیٹ پر رائے دینا صرف محسن نقوی کا حق نہیں بلکہ انہیں بھی یہ کہنے کا پورا حق حاصل ہے کہ نظام میں کسی بھی تبدیلی کا عمل مکمل طور پر جمہوری اور آئینی ہونا چاہیے۔ چیئرمین پیپلز پارٹی نے صدرِ مملکت آصف علی زرداری اور محسن نقوی کی نواب شاہ میں ہونے والی ملاقات کے دوران نئے صوبوں کے قیام سے متعلق گفتگو کی خبروں کو بھی دوٹوک الفاظ میں مسترد کرتے ہوئے کہا کہ ایوانِ صدر کی جانب سے پہلے ہی وضاحت جاری کی جا چکی ہے کہ اس ملاقات میں صوبوں کے قیام پر کوئی بات نہیں ہوئی۔

بلاول بھٹو زرداری نے نئے صوبوں کے قیام کے لیے ریفرنڈم کرانے کی تجویز پر ایک بار پھر شدید تحفظات کا اظہار کیا اور آئین کے آرٹیکل 234 کا حوالہ دیتے ہوئے اسے غیر آئینی قرار دیا۔ انہوں نے شکوہ کیا کہ موجودہ سیاسی نظام کے ایک اہم اسٹیک ہولڈر ہونے کے باوجود نئے صوبوں کے لیے ریفرنڈم کی تجویز پر انہیں اعتماد میں نہیں لیا گیا۔ ان کا کہنا تھا کہ بانی پی ٹی آئی کے خلاف تحریکِ عدم اعتماد بھی مکمل آئینی طریقے سے لائی گئی تھی، اس لیے آئین کو ایک طرف رکھ کر ریفرنڈم کرانا کسی صورت مناسب نہیں ہوگا۔

چیئرمین پیپلز پارٹی نے انتخابی عمل پر تنقید کرتے ہوئے کہا کہ اگر ملک میں انتخابی اصلاحات ہونی ہیں تو اس سے قبل ریفرنڈم یا نئے انتخابات کرانے کی بات کیسے ممکن ہے؟ انہوں نے دعویٰ کیا کہ الیکشن کمیشن اور انتخابی عمل کی ساکھ جتنی خراب آج ہے، ملکی تاریخ میں پہلے کبھی نہیں رہی، اور یہ پہلی بار ہے کہ اپوزیشن کے ساتھ ساتھ حکومتی جماعت کے رہنما اور اتحادی بھی انتخابی دھاندلی کی بات کر رہے ہیں۔ انہوں نے سوال اٹھایا کہ جب کوئی بھی موجودہ نظام میں صاف اور شفاف انتخابات پر یقین کرنے کو تیار نہیں تو ایسے نظام کے تحت ریفرنڈم کے ذریعے عوام کی حقیقی رائے کیسے سامنے آ سکتی ہے؟

نئے صوبوں کے طریقہ کار پر بات کرتے ہوئے بلاول بھٹو زرداری نے کہا کہ جنوبی پنجاب صوبے کے قیام سے متعلق پنجاب اسمبلی میں قرارداد منظور ہو چکی ہے، اور جس معاملے پر عوام کے منتخب نمائندے متفق ہوں فیصلہ بھی اسی کے مطابق ہونا چاہیے۔ انہوں نے واضح کیا کہ سندھ کے عوام سے یہ نہیں پوچھا جا سکتا کہ پنجاب میں نیا صوبہ ہونا چاہیے یا نہیں، اور اسی طرح کسی دوسرے صوبے کے عوام سے سندھ میں نئے صوبے کے قیام پر رائے نہیں لی جا سکتی۔

ملکی معیشت کے حوالے سے گفتگو کرتے ہوئے بلاول بھٹو زرداری نے خبردار کیا کہ عالمی حالات کے باعث پاکستان کو اس وقت عام معاشی بحران نہیں بلکہ ایک سنگین معاشی آفت کا سامنا ہے جس میں مزید اضافے کا خدشہ ہے، لہٰذا تمام اسٹیک ہولڈرز کی سو فیصد توجہ عوام کو فوری معاشی ریلیف فراہم کرنے پر مرکوز ہونی چاہیے۔