LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
معاشی استحکام اور برآمدی مسابقت پائیدار ترقی کیلئے ضروری ہے: گورنر سٹیٹ بینک ریفرنڈم کوئی غیر آئینی مطالبہ نہیں جمہوری راستہ ہے: طارق فضل چوہدری پمز میں تحقیقات کیلئے ایف آئی اے کا چھاپہ، ریکارڈ فراہم کردیا گیا: ترجمان محمود خان اچکزئی سے راجہ ناصر عباس اور مصطفیٰ نواز کھوکھر کی ملاقات وزارت خارجہ میں گندھارا سٹریٹجک ڈائیلاگ کا آغاز، آٹھ ایشیائی ممالک کے وفود شریک فضائی آلودگی، لاہور دنیا بھر میں دوسرے جبکہ کراچی ساتویں نمبر پر حکومت نے پٹرولیم مصنوعات کی قیمتوں میں مزید کمی کردی امریکہ میں کم عمر بچی کو آن لائن جنسی استحصال کی دھمکیاں دینے والا ملزم گرفتار اسلام آباد میں مکان سے بھاری مقدار میں حرام جانوروں کا گوشت برآمد، مقدمہ درج سسٹم ری سیٹ پر یہ سوال اٹھایا، نظام کی تباہی شروع کہاں سے ہوئی؟ بلاول بھٹو نوازشریف اور مریم نواز دو روزہ دورے پر وادیٔ نیلم پہنچ گئے عالمی سب میرین کیبل میں خرابی: پاکستان میں بھی انٹرنیٹ صارفین متاثر سہ فریقی ملاقات سے غیر معمولی توقعات نہیں، مشترکہ اعلامیے پر کام جاری ہے: کریملن پٹرول 133، ڈیزل میں 162 روپے لٹر کمی کرکے عوام کو بڑا ریلیف دیا: اسحاق ڈار دہشتگرد تنظیموں کی پرواہ نہیں کی، کسی سردار سے خوفزدہ نہیں ہوں گے: سرفراز بگٹی

سہ فریقی ملاقات سے غیر معمولی توقعات نہیں، مشترکہ اعلامیے پر کام جاری ہے: کریملن

Web Desk

18 November 2026

روسی صدارتی دفتر کریملن نے کہا ہے کہ چین میں ایشیا پیسیفک اقتصادی تعاون تنظیم (APEC) کے سربراہی اجلاس کے موقع پر روسی صدر ولادیمیر پوتن اور امریکی صدر ڈونلڈ ٹرمپ کے درمیان مکمل اور باضابطہ دوطرفہ مذاکرات کا امکان کم ہے، تاہم دونوں رہنماؤں کے درمیان مختصر ملاقات میں یوکرین تنازع اور ایران کی صورتحال سمیت اہم عالمی معاملات پر تبادلہ خیال ہو سکتا ہے۔

کریملن کے ترجمان دمتری پیسکوف نے صحافیوں سے گفتگو کرتے ہوئے کہا کہ روس، امریکہ اور چین کے صدور کی آئندہ سہ فریقی ملاقات سے ماسکو کو کوئی غیر معمولی توقعات وابستہ نہیں ہیں، بلکہ روس اس ملاقات کو عملی اور حقیقت پسندانہ نقطہ نظر سے دیکھ رہا ہے۔ انہوں نے بتایا کہ 19 نومبر کو صدر پوتن، صدر ٹرمپ اور چینی صدر شی جن پنگ کے درمیان ہونے والی سہ فریقی ملاقات میں پہلے سے طے شدہ معاملات کے ساتھ دیگر اہم موضوعات پر بھی خیالات کا تبادلہ متوقع ہے، جبکہ اجلاس کے بعد ممکنہ مشترکہ اعلامیے کی تیاری پر بھی کام جاری ہے تاہم آخری لمحے تک اس بارے میں حتمی بات نہیں کی جا سکتی۔

دمتری پیسکوف نے واضح کیا کہ اے پی ای سی سربراہی اجلاس کے موقع پر پوتن اور ٹرمپ کی علیحدہ دوطرفہ ملاقات کے لیے ابھی کوئی وقت مقرر نہیں کیا گیا کیونکہ کثیرالجہتی اجلاس میں تفصیلی مذاکرات کا موقع کم ہوتا ہے۔ تاہم انہوں نے بتایا کہ آج 18 نومبر کی شام چینی صدر شی جن پنگ کی میزبانی میں ہونے والی باضابطہ تقریب میں دونوں رہنما ضرور ملیں گے، جہاں سلام دعا اور ابتدائی مختصر گفتگو متوقع ہے جس میں بنیادی موضوع یوکرین تنازع اور ایران کی کشیدہ صورتحال ہو سکتی ہے۔

امریکہ کے شہر میامی میں ہونے والے جی 20 سربراہی اجلاس میں صدر پوتن کی شرکت سے متعلق سوال پر کریملن ترجمان نے کہا کہ اس کا حتمی فیصلہ تمام حالات کا جائزہ لینے کے بعد کیا جائے گا اور ٹرمپ کے ساتھ ہونے والی گفتگو بھی اس فیصلے پر اثر انداز ہو سکتی ہے۔

یورپی ممالک کے کردار پر بات کرتے ہوئے دمتری پیسکوف نے کہا کہ روس یورپ کی جانب سے مسلسل جارحانہ بیانات دیکھ رہا ہے اور ماسکو کو تحفظات ہیں کہ محاذ آرائی کی زبان بولنے والے یورپی نمائندوں کی مذاکرات میں شرکت سے یوکرین تنازع کے پُرامن حل میں مدد ملے گی یا نہیں۔ انہوں نے یورپی یونین کی خارجہ پالیسی کی سربراہ کایا کالاس اور برطانوی حکام کے بیانات کو محاذ آرائی پر مبنی قرار دیتے ہوئے کہا کہ فن لینڈ کے صدر الیگزینڈر اسٹب کے علاوہ دیگر یورپی رہنماؤں سے امن کے عملی راستے کی بات سننے کو نہیں ملی۔ ان کا کہنا تھا کہ امریکی اقدامات ہمیشہ کامیاب نہ سہی مگر واشنگٹن کم از کم امن کی تجاویز پیش کرنے کی کوشش کر رہا ہے، جبکہ یورپی مذاکرات کاروں کا انتخاب برسلز کا اپنا معاملہ ہے۔