مولانا فضل الرحمان کا بلاول بھٹو زرداری کو ٹیلیفون، ملکی سیاسی صورتحال پر تبادلہ خیال

پاکستان پیپلز پارٹی کے چیئرمین بلاول بھٹو زرداری کو جمعیت علمائے اسلام (ف) کے سربراہ مولانا فضل الرحمان نے ٹیلیفون کیا، جس کے دوران دونوں رہنماؤں کے مابین ملک کی مجموعی سیاسی صورتحال پر تفصیلی تبادلہ خیال کیا گیا۔ گفتگو کے دوران چیئرمین بلاول بھٹو زرداری نے جمعیت علمائے اسلام کے خلاف حکومتی اقدامات، سیاسی انتقام اور پارٹی کو نشانہ بنائے جانے کی شدید الفاظ میں مذمت کرتے ہوئے کہا کہ جمہوریت اور پارلیمانی نظام میں ذمہ دار اپوزیشن کا کردار نہایت اہم ہوتا ہے، اس لیے حکومت کو اپوزیشن کی تنقید برداشت کرنی چاہیے اور ایسے کسی بھی اقدام سے گریز کرنا چاہیے جس سے جمہوریت اور پارلیمان کمزور ہوں۔