محمد علی درانی کا مقامی حکومتوں اور چھوٹے صوبوں کیلئے تحریک کا آغاز

سابق وفاقی وزیر محمد علی درانی نے ملک میں بااختیار مقامی حکومتوں اور چھوٹے صوبوں کے قیام کے لیے باقاعدہ تحریک کے آغاز کا اعلان کر دیا ہے۔ میڈیا سے گفتگو کرتے ہوئے انہوں نے کہا کہ بہاولپور اور ہزارہ صوبوں سے متعلق متفقہ قراردادیں منظور ہو چکی ہیں، اور اسمبلیوں کی موجودگی یا عدم موجودگی کے باوجود یہ قانون سازی برقرار رہے گی۔ محمد علی درانی نے واضح کیا کہ نئے صوبوں کی تشکیل پاکستان کو مضبوط اور متحد کرنے کی کوشش ہے جس سے حکومتی اخراجات میں کمی آئے گی، جبکہ موروثی سیاسی جماعتیں اس کی مخالفت کر رہی ہیں۔ انہوں نے مزید کہا کہ عوام نئے صوبوں کے قیام پر متحد ہیں اور مخالفت کرنے والوں کی سیاست ختم ہو جائے گی، جبکہ مقامی حکومتوں کے نفاذ سے عام آدمی خوشحال ہوگا اور نئی نوجوان قیادت سامنے آئے گی۔