ٹرمپ نے امریکی مڈٹرم انتخابات کی شفافیت پر سوال اٹھا دیے

امریکی صدر ڈونلڈ ٹرمپ نے ملک میں ہونے والے مڈٹرم انتخابات کی شفافیت پر سنگین سوالات اٹھاتے ہوئے انتخابی نتائج اور رائے عامہ کے جائزوں (پولز) کے درمیان نمایاں فرق پر شدید تحفظات کا اظہار کیا ہے۔ اپنے ایک بیان میں صدر ٹرمپ نے کہا کہ کیا واقعی کوئی یہ سمجھتا ہے کہ یہ انتخابات شفاف تھے، اور انتخابی نتائج اور پولز میں اتنا بڑا تضاد کیسے ممکن ہو سکتا ہے؟ انہوں نے موقف اختیار کیا کہ موجودہ نظام میں انتخابی مشینیں ووٹرز سے زیادہ اہمیت اختیار کر گئی ہیں، جبکہ ابتدائی ووٹنگ (Early Voting) کے غیر معمولی اعداد و شمار نے کئی مقامات پر حتمی نتائج کو براہِ راست متاثر کیا ہے۔