ایرانی بحریہ کا 10 روز میں آبنائے ہرمز سے گزرنے والے 11 آئل ٹینکروں کو نشانہ بنانے کا دعویٰ

ایرانی بحریہ نے دعویٰ کیا ہے کہ گزشتہ 10 روز کے دوران عالمی سمندری و تجارتی گزرگاہ ‘آبنائے ہرمز’ سے گزرنے والے کم از کم 11 آئل ٹینکروں کو نشانہ بنا کر ان کا نیویگیشن سسٹم ناکارہ بنا دیا گیا ہے۔ ایرانی میڈیا کی رپورٹ کے مطابق اس عرصے کے دوران آبنائے ہرمز میں متعدد تجارتی اور تیل بردار جہازوں میں پراسرار طور پر آگ لگنے کے واقعات بھی رپورٹ ہوئے ہیں۔ ایرانی بحریہ کا یہ بیان ایسے وقت میں سامنے آیا ہے جب خطے میں بحری سیکورٹی اور توانائی کی سپلائی لائنوں سے متعلق خدشات شدت اختیار کر چکے ہیں، تاہم ان واقعات کے تناظر میں بین الاقوامی اداروں کا مؤقف سامنے آنا ابھی باقی ہے۔