امریکی فوج نے ایران پر دباؤ بڑھانے اور اس کی سفارتی و تجارتی نقل و حرکت محدود کرنے کے لیے ایک نئی ٹاسک فورس ’آئرن گیٹ‘ قائم کرنے کا منصوبہ تیار کر لیا ہے، جس کا دائرہ کار بحیرہ کیسپین اور ایران کی زمینی سرحدوں تک پھیلایا جائے گا۔ خبر رساں ادارے رائٹرز کے مطابق امریکی سینٹرل کمانڈ (سینٹکام) کی جانب سے اس نئی ٹاسک فورس کا ہیڈکوارٹر فلوریڈا کے شہر ٹمپا میں قائم کیا جائے گا۔ منصوبے کی بنیادی حکمت عملی دیگر امریکی اداروں کے ساتھ مل کر ایران کو جدید ہتھیاروں اور فوجی سازوسامان کی فراہمی کو روکنا ہے، جبکہ شمالی ساحلی خطے (بحیرہ کیسپین) سے ہونے والی تیل کی برآمدات اور تجارت پر ناکہ بندی کے ذریعے سختی لائی جائے گی۔ اس اقدام سے ایران کے روس، قازقستان، آذربائیجان اور ترکمانستان کے ساتھ متبادل تجارتی راستے اور سمندری روابط بری طرح متاثر ہونے کا امکان ہے۔