ابوظہبی میں امریکا اور یوکرین کیساتھ مذاکرات سے قبل پوتن کی سلامتی کونسل سے اہم مشاورت

روس کے صدر ولادیمیر پوتن نے یوکرین تنازع پر 10 نومبر کو متحدہ عرب امارات (UAE) کے دارالحکومت ابوظہبی میں ہونے والے روس، امریکا اور یوکرین کے اہم سہ فریقی مذاکرات سے قبل روسی سلامتی کونسل کے مستقل ارکان اور مذاکراتی وفد میں شامل اعلیٰ حکام کے ساتھ ہنگامی اور اہم اجلاس منعقد کیا ہے۔

اجلاس کی صدارت کرتے ہوئے صدر پوتن نے تصدیق کی کہ یوکرین معاملے پر سہ فریقی مذاکرات آئندہ منگل، 10 نومبر کو ابوظہبی میں منعقد ہوں گے۔ انہوں نے بتایا کہ مذاکرات کی باضابطہ تاریخ طے ہونے کے بعد روسی وفد کے اہم ارکان کو سلامتی کونسل کے اجلاس میں خصوصی طور پر مدعو کیا گیا تاکہ اس اہم ترین سفارتی معرکے سے قبل اعلیٰ سطح پر جامع مشاورت کی جا سکے۔

اس اہم اجلاس میں صدارتی معاون ولادیمیر میدنسکی نے شرکت کی، جو ابوظہبی مذاکرات میں روسی وفد کی قیادت کریں گے۔ ان کے علاوہ صدارتی معاون یوری اوشاکوف، نائب وزرائے خارجہ میخائل گالوزین اور سرگئی ریابکوف، مسلح افواج کے مرکزی انٹیلی جنس ڈائریکٹوریٹ کے سربراہ ایگور کوستیوکوف اور جنرل اسٹاف کے نائب سربراہ یوری ژیگارلوفسکی نے بھی شرکت کی۔ اگرچہ اجلاس میں مذاکرات کے تفصیلی ایجنڈے کو خفیہ رکھا گیا ہے، تاہم عسکری و سفارتی قیادت کی ایک ساتھ شرکت سے ماسکو کی سنگین تیاری کا اندازہ لگایا جا سکتا ہے۔