گادی آئزن کوٹ نئے وزیراعظم بننے کی پوزیشن میں آگئے، 67 ارکان کی حمایت حاصل

اسرائیلی اپوزیشن لیڈر اور سابق آرمی چیف گادی آئزن کوٹ (Gadi Eisenkot) اسرائیل کے نئے وزیراعظم بننے کی مضبوط پوزیشن میں آ گئے ہیں، جس کے بعد موجودہ وزیراعظم بن یامین نیتن یاہو کی حکومت کو شدید سیاسی بحران کا سامنا ہے۔

ذرائع کے مطابق، اسرائیلی پارلیمنٹ (کنیست) کی 6 سیاسی جماعتوں کے 67 ارکان نے گادی آئزن کوٹ کی حمایت کا باضابطہ اعلان کر دیا ہے۔ علاوہ ازیں، 2 عرب جماعتوں کے 19 ارکانِ پارلیمنٹ کی حمایت کے بعد آئزن کوٹ کی پوزیشن اپوزیشن کے اتحادی کے طور پر انتہائی مستحکم ہو چکی ہے۔

120 ارکان پر مشتمل اسرائیلی پارلیمنٹ میں اس وقت بن یامین نیتن یاہو کے پاس صرف 46 ارکان کی حمایت باقی رہ گئی ہے، جس کے بعد وہ واضح اقلیت میں آ گئے ہیں۔ رپورٹ کے مطابق، اسرائیلی صدر اتوار کے روز نئے وزیراعظم کی نامزدگی سے متعلق اپنا حتمی فیصلہ سنائیں گے۔