حکومت نے پٹرول اور ڈیزل کی قیمتوں میں کمی کر دی

وفاقی حکومت نے عوام کو ریلیف فراہم کرتے ہوئے پٹرولیم مصنوعات کی قیمتوں میں نمایاں کمی کا باضابطہ اعلان کر دیا ہے۔

وزارتِ خزانہ کی جانب سے جاری کردہ نوٹیفکیشن کے مطابق پٹرول کی قیمت میں 6 روپے 59 پیسے فی لیٹر کمی کی گئی ہے، جس کے بعد پٹرول کی نئی قیمت 346 روپے فی لیٹر مقرر ہو گئی ہے۔ اسی طرح ہائی اسپیڈ ڈیزل کی قیمت میں 4 روپے 25 پیسے فی لیٹر کی کٹوتی کی گئی ہے، جس کے بعد ڈیزل کی نئی قیمت 378 روپے فی لیٹر ہو گئی ہے۔

حکومت کی طرف سے جاری کردہ اعلامیے کے مطابق پٹرولیم مصنوعات کی ان نئی قیمتوں کا اطلاق 10 نومبر تک کے لیے ہوگا، جس کا اطلاق رات 12 بجے سے کر دیا گیا ہے۔