جے ڈی وینس ایران جنگ سے پیچھے ہٹنے کی بھر پور کوشش کر رہے: عبدل السید

امریکا کے نو منتخب مسلمان سینیٹر عبدل السید نے امریکی نائب صدر جے ڈی وینس کی ایران سے متعلق خارجہ پالیسی کو شدید تنقید کا نشانہ بناتے ہوئے کہا ہے کہ وینس اب ایران کے ساتھ ممکنہ جنگ کے خدشات سے پیچھے ہٹنے کی بھرپور اور ناکام کوشش کر رہے ہیں۔

سینیٹر عبدل السید نے اپنے ایک بیان میں واضح کیا کہ ایران کے ساتھ کسی بھی قسم کی جنگ خطے اور دنیا کے لیے تباہ کن ثابت ہوگی۔ انہوں نے کہا کہ جے ڈی وینس اب اس معاملے سے لا تعلقی اختیار کرنے کی کوشش کر رہے ہیں، لیکن ایران کے ساتھ جنگی کشیدگی پر آواز اٹھانے کا وقت اب نہیں بلکہ 8 مہینے پہلے تھا جب پالیسیاں ترتیب دی جا رہی تھیں۔

انہوں نے مزید کہا کہ امریکی نائب صدر کو 8 ماہ پہلے ایران جنگ کے خطرات کے خلاف واضح اور مؤثر موقف اختیار کرنا چاہیے تھا۔ عبدل السید نے جے ڈی وینس کو تنقید کا نشانہ بناتے ہوئے کہا کہ سابق صدر ڈونلڈ ٹرمپ کی ہر بات میں ہاں میں ہاں ملانے والے وینس بزدلی کا مظاہرہ کر رہے ہیں کیونکہ انہوں نے بغیر کسی تحفظات کے ٹرمپ کے ہر فیصلے کی آنکھیں بند کر کے حمایت کی ہے۔