مستفیض الرحمان کی بگ بیش لیگ میں انٹری، رینیگیڈز نے سائن کرلیا
Web Desk
4 November 2026
بنگلا دیش کے مایاناز فاسٹ بولر مستفیض الرحمان کو بگ بیش لیگ (BBL) کے 16ویں سیزن کے لیے میلبورن رینیگیڈز نے اپنی ٹیم میں شامل کر لیا ہے، جس کے ساتھ ہی وہ اپنے کیریئر میں پہلی مرتبہ اس آسٹریلوی ٹی 20 لیگ میں ایکشن میں نظر آئیں گے۔
31 سالہ مستفیض الرحمان، جو اب تک 331 ٹی 20 میچز میں 423 وکٹیں حاصل کر چکے ہیں، کو انجری کا شکار ہو کر سیزن سے باہر ہونے والے آسٹریلوی فاسٹ بولر جیسن بہرینڈورف کے متبادل کے طور پر ٹیم میں شامل کیا گیا ہے۔ انٹرنیشنل لیگ ٹی 20 میں پہلے سے طے شدہ مصروفیات کی بنا پر وہ میلبورن رینیگیڈز کے ابتدائی میچ میں پرتھ اسکارچرز کے خلاف شرکت نہیں کر سکیں گے، تاہم انہوں نے ایم سی جی کو ہوم گراؤنڈ بنانے اور بگ بیش لیگ میں ڈیبیو کرنے پر بے حد خوشی کا اظہار کیا ہے۔
میلبورن رینیگیڈز کے ہیڈ کوچ لیوک رونکی نے مستفیض الرحمان کو ٹی 20 فارمیٹ کا حقیقی ‘میچ ونر’ قرار دیتے ہوئے کہا کہ پاور پلے اور ڈیتھ اوورز میں وکٹیں حاصل کرنے کی ان کی صلاحیت ٹیم کے بولنگ اٹیک کو مزید مضبوط بنائے گی۔ بگ بیش لیگ کا 16واں سیزن 12 دسمبر سے شروع ہو رہا ہے جس میں مجموعی طور پر 44 میچز کھیلے جائیں گے، جبکہ اس کا فائنل 26 جنوری کو شیڈول ہے۔
متعلقہ عنوانات
صائم ایوب کا کرکٹ سے عارضی وقفہ لینے کا فیصلہ، پی سی بی سے درخواست
22 November 2026
ویمنز ایمرجنگ نیشز ٹرافی: پاکستان کی سکاٹ لینڈ کیخلاف شاندار کامیابی
22 November 2026
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026