حنا بٹ کی کراچی کو لڑکیوں کیلئے جیل قرار دینے پر حنا الطاف کو لاہور آنے کی دعوت

چیئرپرسن پنجاب ویمن پروٹیکشن اتھارٹی حنا پرویز بٹ نے اداکارہ حنا الطاف کی جانب سے کراچی کو لڑکیوں کے لیے جیل قرار دینے کے بیان پر انہیں لاہور آنے کی دعوت دی ہے۔ اداکارہ نے لندن سے جاری ایک ویڈیو میں کراچی میں خواتین کی آزادانہ نقل و حرکت میں دشواریوں اور عدم تحفظ پر اظہارِ خیال کیا تھا۔ اس پر ردِعمل دیتے ہوئے حنا پرویز بٹ نے اپنے ویڈیو پیغام میں کہا کہ وزیرِ اعلیٰ مریم نواز کی قیادت میں پنجاب حکومت خواتین کی حفاظت کو پہلی ترجیح دیتی ہے اور یہاں ایسا ماحول فراہم کیا گیا ہے جہاں خواتین بلا خوف و خطر اور مکمل اعتماد کے ساتھ زندگی گزار سکتی ہیں۔ انہوں نے مزید کہا کہ خواتین لندن کے مقابلے میں لاہور کو زیادہ محفوظ سمجھتی ہیں کیونکہ یہاں ہراسانی اور تشدد کو ہرگز برداشت نہیں کیا جاتا۔