ڈی جی آئی ایس پی آر کا دورہ پشاور، طلبہ کیساتھ خصوصی نشست

ڈی جی آئی ایس پی آر لیفٹیننٹ جنرل احمد شریف چودھری نے پشاور کا دورہ کیا، جہاں انہوں نے مختلف جامعات کے طلبہ اور فیکلٹی ممبران کے ساتھ ایک خصوصی نشست میں شرکت کی۔ آمد پر طلبہ نے ان کا پُرتپاک استقبال کیا اور روایتی پختون پگڑی اور چادر پہنائی۔ نشست کے دوران ڈی جی آئی ایس پی آر نے ملکی سیکیورٹی کی صورتحال، علاقائی چیلنجز، سوشل میڈیا کے ذمہ دارانہ استعمال اور پروپیگنڈا وارفیئر کے حقائق پر تفصیلی گفتگو کی اور طلبہ کے سوالات کے مدلل جوابات دیے۔ اس موقع پر شریک طلبہ نے ملک سے دہشت گردی کے خاتمے میں پاک فوج کے کلیدی کردار کو سراہتے ہوئے فوج کے شانہ بشانہ کھڑے رہنے کے عزم کا اعادہ کیا۔