24 گھنٹوں میں یمنی فوج کی 749 ٹارگٹڈ کارروائیاں، 239 حوثی ہلاک یا زخمی

یمنی حکومت کی مسلح افواج نے دعویٰ کیا ہے کہ انہوں نے حوثی ملیشیا کے خلاف جاری فیصلہ کن فوجی آپریشن ’فجرِ الیمن‘ کے تحت گزشتہ 24 گھنٹوں کے دوران حوثیوں کے خلاف ملک بھر میں 749 ٹارگٹڈ کارروائیاں کی ہیں، جن کے نتیجے میں کم از کم 239 حوثی کمانڈر اور جنگجو ہلاک یا زخمی ہو گئے ہیں۔

یمنی مسلح افواج کے ترجمان کرنل ماجد النزیلی کی جانب سے جاری کردہ تفصیلی بیان میں بتایا گیا ہے کہ ان کارروائیوں کے دوران حوثیوں کے خفیہ فیلڈ کمانڈ سینٹرز، دفاعی قلعہ بندیوں، توپ خانے کے ٹھکانوں اور ان کی نقل و حرکت اور رسد  کی ترسیل کے لیے استعمال ہونے والی گاڑیوں کو انتہائی کامیابی سے نشانہ بنایا گیا۔

ترجمان نے مزید بتایا کہ ان وسیع اور مربوط فوجی کارروائیوں کے دوران دشمن کی مجموعی طور پر 117 گاڑیاں اور مختلف اقسام کا بھاری فوجی ساز و سامان بھی مکمل طور پر تباہ یا ناکارہ بنا دیا گیا ہے تاکہ عسکری صلاحیتوں کو زک پہنچائی جا سکے