گورنر خیبر پختونخوا کی پشاور ماسٹر پلان کے 180 روزہ اہداف پر عملدرآمد تیز کرنے کی ہدایت

گورنر خیبر پختونخوا فیصل کریم کنڈی کی زیرِ صدارت پشاور ماسٹر ڈویلپمنٹ پلان سے متعلق اعلیٰ سطح کا اجلاس منعقد ہوا، جس میں انہوں نے شہر کے 180 روزہ اہداف پر عملدرآمد تیز کرنے کی ہدایت کی ہے۔ اجلاس میں حکام نے بریفنگ دی کہ پشاور میں 3 انڈر پاسز مکمل ہو چکے ہیں جبکہ پشتخرہ اور جمیل چوک انڈر پاسز، رنگ روڈ اور جی ٹی روڈ پر 50 کروڑ کی لاگت سے لائٹنگ و کیبلنگ، اور 35 اہم سڑکوں کی اپ گریڈیشن پر کام جاری ہے۔ علاوہ ازیں 323 کنال پر مشتمل نیو پشاور بس ٹرمینل کو پبلک پرائیویٹ پارٹنرشپ کے تحت فعال کرنے کا فیصلہ کیا گیا ہے۔ گورنر نے یونیورسٹی روڈ کی ترجیحی کارپٹنگ، کوہاٹ روڈ انڈر پاس کی فزیبلٹی، چنگ چی رکشوں کی رجسٹریشن کے لیے قانون سازی اور ای چالان سسٹم کے فوری آغاز کی بھی تاکید کی۔