وزارتِ داخلہ کی گزشتہ 3 سالہ رپورٹ جاری: 13 ہزار سے زائد اسلحہ لائسنسز کا اجراء، 2026 میں 23.5 فیصد کمی

وفاقی وزیرِ داخلہ محسن نقوی کی ہدایت پر وزارتِ داخلہ نے گزشتہ تین سالوں کے دوران جاری ہونے والے اسلحہ لائسنسز کی خصوصی رپورٹ تیار کر لی ہے۔ رپورٹ کے مطابق تین سالوں کے دوران ممنوعہ اور غیر ممنوعہ بور کے کل 13 ہزار 922 اسلحہ لائسنس جاری کیے گئے۔ تفصیلات کے تحت سال 2024 میں 3 ہزار 151، سال 2025 میں 6 ہزار 103 اور سال 2026 میں 4 ہزار 668 لائسنسز کا اجراء ہوا۔ ان میں سے ممنوعہ بور کے 2 ہزار 776 جبکہ غیر ممنوعہ بور کے 11 ہزار 156 لائسنس شامل ہیں۔ رپورٹ میں مزید بتایا گیا کہ سال 2025 کی نسبت سال 2026 میں اسلحہ لائسنسز کے اجراء میں ساڑھے 23 فیصد نمایاں کمی ریکارڈ کی گئی ہے۔