ایل پی جی کے 2 جہاز پاکستان پہنچ گئے، قیمتوں میں کمی کا امکان

عمان سے مائع پیٹرولیم گیس (LPG) کی بڑی کھیپ لے کر 2 تجارتی بحری جہاز پاکستان پہنچ گئے ہیں، جس کے بعد ملک میں ایل پی جی کی فراہمی میں بہتری اور قیمتوں میں نمایاں کمی کے امکانات روشن ہو گئے ہیں۔

ذرائع کے مطابق یہ دونوں بحری جہاز مجموعی طور پر 7 ہزار 603 میٹرک ٹن ایل پی جی لے کر پورٹ قاسم پہنچے۔ تفصیلاًُ، ایس ایس جی سی (SSGC) کے ٹرمینل پر ‘پریانیس’ (Pryanes) نامی بحری جہاز نے 4 ہزار 250 میٹرک ٹن جبکہ اینگرو ٹرمینل پر ‘الیسا ون’ (Alyssa 1) نامی جہاز نے 3 ہزار 83 میٹرک ٹن ایل پی جی کی آف لوڈنگ مکمل کی۔

مارکیٹ ذرائع اور حکام کا کہنا ہے کہ بحری راستے سے سپلائی پہنچنے کے علاوہ ایران کے سرحدی راستے سے بھی ایل پی جی کی رکی ہوئی ترسیل کی فوری بحالی کا قوی امکان ہے۔ ایل پی جی کی سپلائی اور دستیابی میں اس بہتری کے باعث مقامی مارکیٹ میں قیمتوں میں کمی متوقع ہے، جس سے عام صارفین کو فوری ریلیف ملے گا۔