پاکستان کا سری لنکا کیلاف ٹیسٹ سیریز کیلئے 14 رکنی سکواڈ کا اعلان، 3 نئے کھلاڑی شامل

پاکستان کرکٹ بورڈ (پی سی بی) نے سری لنکا کے خلاف آئندہ 2 ٹیسٹ میچوں پر مشتمل سیریز کے لیے 14 رکنی قومی ٹیسٹ سکواڈ کا اعلان کر دیا ہے، جس کی قیادت بابر اعظم کریں گے۔

سکواڈ کی نمایاں خصوصیت تین نئے نوجوان بلے بازوں سمیر منہاس، محمد طحہ اور محمد سلیمان کی پہلی بار قومی ٹیسٹ ٹیم میں شمولیت ہے۔ اس کے علاوہ لیفٹ آرم اسپنر علی عثمان سمیت عبداللہ فضل، عرفات منہاس، اذان اویس، محمد عباس، محمد غازی غوری، رضااللہ، سعد بیگ، سلمان علی آغا اور سعود شکیل کو بھی سکواڈ کا حصہ بنایا گیا ہے۔

پی سی بی کے مطابق یہ سیریز آئی سی سی ورلڈ ٹیسٹ چیمپئن شپ 2025-27 کا حصہ ہے۔ پہلا ٹیسٹ 9 سے 13 نومبر تک راولپنڈی کرکٹ اسٹیڈیم اور دوسرا ٹیسٹ 17 سے 21 نومبر تک قذافی اسٹیڈیم لاہور میں کھیلا جائے گا۔ سیریز سے قبل 4 سے 6 نومبر تک اسلام آباد کلب میں تین روزہ وارم اپ میچ ہوگا، جس کے بعد پی سی بی پیٹرنز الیون سے 2 فاسٹ بولرز کو سکواڈ میں شامل کیا جائے گا۔