وزارت خزانہ کے سینٹرل مانیٹرنگ یونٹ کی سالانہ مالی رپورٹ جاری

وزارتِ خزانہ کے سینٹرل مانیٹرنگ یونٹ نے مالی سال 2024-25 کی سالانہ رپورٹ جاری کر دی ہے، جس کے مطابق وزارتِ بحری امور کے تین اہم ادارے ملک کے 10 بہترین منافع بخش سرکاری اداروں (SOEs) میں شامل ہو گئے ہیں۔ رپورٹ کے مطابق کراچی پورٹ ٹرسٹ (KPT) چھٹے، پورٹ قاسم اتھارٹی (PQA) ساتویں اور پاکستان نیشنل شپنگ کارپوریشن (PNSC) دسویں نمبر پر رہی ہے۔ وفاقی وزیر برائے بحری امور جنید انوار چوہدری نے اس شاندار کارکردگی پر اطمینان کا اظہار کرتے ہوئے اسے انتظامی اصلاحات، بہتر مالیاتی نظم و ضبط اور ملازمین کی انتھک محنت کا نتیجہ قرار دیا۔ انہوں نے کہا کہ ان اداروں کی مالیاتی استحکام سے نہ صرف بحری شعبے کو فروغ ملے گا بلکہ قومی معیشت میں بھی ان کا کردار مزید مستحکم ہوگا۔