قطر اور پاکستان کے ذریعے امریکا کے ساتھ رابطے جاری ہیں: عباس عراقچی

ایران کے وزیر خارجہ عباس عراقچی نے انکشاف کیا ہے کہ تہران فوجی کشیدگی کے خاتمے کے لیے اب بھی پاکستان اور قطر کے وساطت سے امریکا کے ساتھ مسلسل رابطے میں ہے اور مذاکرات کا سلسلہ جاری ہے۔ عراقی ٹی وی نیٹ ورک الاخباریہ کو انٹرویو دیتے ہوئے انہوں نے واضح کیا کہ آبنائے ہرمز کوئی بین الاقوامی آبی گزرگاہ نہیں بلکہ ایران اور عمان کی علاقائی حدود کا حصہ ہے، جس کے لیے عمان کے ساتھ آمد و رفت کا مخصوص راستہ طے پایا چکا ہے۔ عباس عراقچی کا مزید کہنا تھا کہ ایران نے سعودی عرب اور حوثیوں کے درمیان لڑائی کے خاتمے کے لیے ثالثی کی پیشکش کی ہے جس کا جواب تاحال نہیں ملا، جبکہ یمن میں کسی بھی بیرونی فوجی مداخلت سے حالات مزید پیچیدہ ہو جائیں گے۔