قلات اور گوادر میں سکیورٹی فورسز کے آپریشنز، 4 دہشت گرد ہلاک، میجر وجاہت وحید جام شہادت نوش کر گئے

سکیورٹی فورسز نے بلوچستان کے اضلاع قلات اور گوادر میں انٹیلی جنس کی بنیاد پر کیے جانے والے کارروائیوں کے دوران بھارتی سرپرستی میں سرگرم ‘فتنہ الہندوستان’ کے 4 دہشت گردوں کو جہنم واصل کر دیا ہے، جبکہ گوادر کی تحصیل پسنی میں کلیئرنس آپریشن کے دوران دیسی ساختہ بم (IED) کے دھماکے میں پاک فوج کے میجر وجاہت وحید نے جام شہادت نوش کر لیا ہے۔ آئی ایس پی آر کے مطابق 18 اکتوبر 2026 کو قلات کے علاقے جٹک آباد میں شدید فائرنگ کے تبادلے کے بعد 4 دہشت گرد ہلاک کیے گئے اور بڑی مقدار میں اسلحہ برآمد ہوا۔ اسی طرح تحصیل پسنی کے علاقے شادی کور میں کلیئرنس آپریشن کے دوران ہونے والے دھماکے میں 34 سالہ میجر وجاہت وحید نے مادرِ وطن کے دفاع میں اپنی جان کا نذرانہ پیش کر دیا۔