روسی وزیر خارجہ آج تہران کا دورہ کرینگے، دو طرفہ معاہدوں کا جائزہ لیا جائیگا

ایرانی وزارتِ خارجہ کے ترجمان اسماعیل بقائی نے اعلان کیا ہے کہ روسی وزیرِ خارجہ سرگئی لاوروف آج تہران کا اہم سرکاری دورہ کریں گے، جہاں وہ اعلیٰ ایرانی قیادت سے ملاقاتیں کریں گے۔

ایرانی وزارتِ خارجہ کے ترجمان نے اپنے باضابطہ بیان میں بتایا کہ یہ دورہ تہران اور ماسکو کے درمیان جاری اسٹریٹجک مشاورت اور دوطرفہ تعلقات کے سلسلے کی ایک اہم کڑی ہے۔ ان کے مطابق ملاقاتوں میں دونوں ممالک کے درمیان طے پانے والے سابقہ دوطرفہ معاشی، دفاعی و سفارتی معاہدوں پر عمل درآمد کی پیش رفت کا باریک بینی سے جائزہ لیا جائے گا، جبکہ مشرقِ وسطیٰ اور بین الاقوامی سطح پر ابھرتی ہوئی جیو پولیٹیکل صورتِ حال پر تفصیلی تبادلہ خیال ہوگاے۔

ایران اور روس مختلف علاقائی چیلنجز اور باہمی تعاون کے شعبوں میں قریبی رابطے اور مشاورت کا سلسلہ مسلسل برقرار رکھے ہوئے ہیں، اور اس تناظر میں روسی وزیرِ خارجہ سرگئی لاوروف کے دورہ تہران کو انتہائی اہمیت کا حامل قرار دیا جا رہا ہے۔