پاکستان سعودی عرب کی خودمختاری و سلامتی کیلئے شانہ بشانہ کھڑا ہے: وزیراعظم

وزیراعظم محمد شہباز شریف نے سعودی عرب کے نو تعینات سفیر ڈاکٹر راجح طامی البقمی سے ملاقات کے دوران گفتگو کرتے ہوئے اعادہ کیا ہے کہ پاکستان، مملکتِ سعودی عرب کی خودمختاری، سلامتی اور علاقائی سالمیت کے تحفظ کے لیے برادر ملک کے شانہ بشانہ کھڑا ہے۔ وزیراعظم نے سعودی عرب پر حوثی حملوں میں اضافے کی شدید مذمت کی اور سٹریٹجک باہمی دفاعی معاہدے کو دونوں ممالک کے تاریخی تعلقات اور علاقائی امن کے لیے اہم سنگِ میل قرار دیا۔ انہوں نے پاکستان کے لیے طویل مدتی اقتصادی و مالی معاونت پر سعودی قیادت کا شکریہ ادا کیا اور نو تعینات سفیر کو دوطرفہ تعلقات کے استحکام اور ادارہ جاتی تعاون کی مضبوطی کے لیے مکمل حمایت کی یقین دہانی کرائی۔