پاکستان سٹاک مارکیٹ میں کاروبار کے دوران تیزی

پاکستان اسٹاک ایکسچینج (PSX) میں آج ہفتے کے آخری کاروباری دن زبردست تیزی کا رجحان دیکھا جا رہا ہے، جس کے نتیجے میں کے ایس ای-100 انڈیکس ایک اور نئی بلند ترین سطح پر پہنچ گیا ہے۔

کاروباری ہفتے کے پانچویں روز جمعے کے دن ٹریڈنگ کے آغاز ہی سے سرمایہ کاروں کی جانب سے مثبت خریداریاں دیکھنے میں آئیں۔ زبردست سیشن کے دوران کے ایس ای-100 انڈیکس میں 413 پوائنٹس کا اضافہ ریکارڈ کیا گیا، جس سے انڈیکس 1 لاکھ 66 ہزار 500 سے زائد پوائنٹس کی حد عبور کر گیا۔

یاد رہے کہ گزشتہ کاروباری دن بھی اسٹاک مارکیٹ میں مثبت رجحان غالب رہا تھا اور سیشن کے اختتام پر 100 انڈیکس 768 پوائنٹس کی تیزی کے ساتھ 1 لاکھ 66 ہزار 186 پوائنٹس کی سطح پر بند ہوا تھا۔ معاشی ماہرین کے مطابق مارکیٹ میں حالیہ تیزی کی بنیادی وجہ سرمایہ کاروں کا اعتماد اور معاشی اشاریوں میں بہتری ہے۔