سائبیرین لیبارٹری واقعے پر جھوٹی معلومات پھیلائی جا رہی ہیں، ماریہ زخارووا

روسی وزارتِ خارجہ کی ترجمان ماریہ زخارووا نے سائیبیریا کے انسدادِ طاعون تحقیقی ادارے (ارکتسک لیبارٹری) میں محقق کی ہلاکت سے متعلق مغربی ممالک اور ذرائع ابلاغ کے دعووں کو یکسر مسترد کرتے ہوئے کہا ہے کہ ان خبروں کا مقصد صحتِ عامہ کا تحفظ نہیں بلکہ روس کے خلاف سیاسی دباؤ اور منفی بیانیہ قائم کرنا ہے۔ ماسکو میں “گلوبل ڈیجیٹل فورم” کے دوران دنیا نیوز کے نمائندے شاہد گھمن کے سوال کا جواب دیتے ہوئے ماریہ زخارووا نے کہا کہ مغربی دنیا روس میں پیش آنے والے کسی بھی طبی یا سائنسی واقعے پر غیر معمولی دلچسپی کا مظاہرہ کر کے اسے خوفناک پروپیگنڈے میں تبدیل کر دیتی ہے۔

ترجمان روسی وزارتِ خارجہ نے کووڈ-19 کے دوران روسی ویکسین ‘سپوتنک وی’ کے خلاف مغربی مہم، 2022ء کے بوچا واقعے اور تاریخی مثالوں کا حوالہ دیتے ہوئے کہا کہ امریکہ اور یورپی یونین اپنے داخلی مسائل، جیسے بیماریاں اور معاشی بحران، سے توجہ ہٹانے کے لیے فرضی سنسنی پھیلا رہے ہیں۔ انہوں نے موقف اختیار کیا کہ سائیبیریا کی لیبارٹری سے متعلق جھوٹی اطلاعات ملٹری بجٹ میں اضافے، مذاکراتی عمل کی ناکامی کے جواز اور ماسکو پر غیر ضروری سیاسی دباؤ بڑھانے کے لیے گھڑی گئی ہیں، جبکہ روس حقائق اور سائنسی شواہد کے ذریعے ان منفی خبروں کا موثر جواب دیتا رہے گ