ایمرجنسی سے متعلق غور و خوض مکمل ہوگیا، ایمرجنسی 12 اضلاع میں نہیں، پورے صوبے میں لگےگی: طارق فضل

وفاقی وزیر برائے امورِ پارلیمانی طارق فضل چوہدری نے خیبر پختونخوا میں سیکیورٹی اور امن و امان کی صورتِ حال پر اہم بیان دیتے ہوئے انکشاف کیا ہے کہ وفاقی حکومت نے صوبے میں ایمرجنسی کے نفاذ سے متعلق تمام تر قانونی و آئینی امور پر غور و خوض مکمل کر لیا ہے। انہوں نے واضح کیا کہ اگر ایمرجنسی کا فیصلہ ہوتا ہے تو یہ صرف 12 اضلاع تک محدود نہیں رہے گی بلکہ آئین کے تحت پورے صوبے خیبر پختونخوا میں نافذ کی جائے گی।

جیو نیوز کے پروگرام “آج شاہزیب خانزادہ کے ساتھ” میں گفتگو کرتے ہوئے وفاقی وزیر نے کہا کہ صوبے میں دہشت گردی کے خلاف مؤثر اقدامات اور امن و امان کا قیام اولین ترجیح ہے। انہوں نے بتایاکھ وفاق کی جانب سے صوبائی حکومت کے ساتھ کسی بھی قسم کی سیاسی یا انتظامی بات چیت اور مذاکرات اس بات سے مشروط ہوں گے کہ خیبر پختونخوا حکومت دہشت گردی کے خاتمے اور سیکیورٹی آپریشنز میں وفاق کے ساتھ کتنا تعاون کرتی ہے۔ وفاقی وزیر کا کہنا تھا کہ سیکیورٹی چیلنجز پر کوئی سمجھوتہ نہیں کیا جائے گا اور ضرورت پڑنے پر آئینی اختیارات کا استعمال کیا جائے گا