سٹاک مارکیٹ میں مندی، کاروبار کا منفی رجحان رہا

پاکستان اسٹاک مارکیٹ میں کاروباری ہفتے کے آخری روز آغاز میں تیزی کے بعد اچانک مندی چھا گئی، جس کے باعث 100 انڈیکس منفی زون میں بند ہوا۔ کاروباری روز کے آغاز پر مارکیٹ میں 600 سے زائد پوائنٹس کا اضافہ دیکھا گیا اور انڈیکس ایک لاکھ 68 ہزار 134 پوائنٹس کی بلند سطح پر بھی پہنچا۔ تاہم، ٹریڈنگ کے دوران ملا جلا رجحان رہا اور دن کے اختتام کے قریب شدید فروخت کے دباؤ کے باعث انڈیکس 352 پوائنٹس کی کمی سے ایک لاکھ 67 ہزار 089 پوائنٹس کی سطح پر بند ہوا۔ یاد رہے کہ گزشتہ روز انڈیکس ایک لاکھ 67 ہزار 441 پوائنٹس پر بند ہوا تھا۔