دبئی میں بلاک چین لائف 2026ء، کرپٹو اور اے آئی دنیا کا بڑا اجتماع

دبئی ایک بار پھر عالمی بلاک چین، کرپٹو، ویب تھری اور مصنوعی ذہانت (AI) کا سب سے بڑا مرکز بننے کے لیے تیار ہے۔ بلاک چین لائف 2026 (Blockchain Life 2026) کا 17واں بین الاقوامی ایڈیشن یکم اور 2 دسمبر کو دبئی فیسٹیول سٹی کے فیسٹیول ایرینا میں منعقد ہوگا، جس میں 130 سے زائد ممالک کے 15 ہزار سے زائد شرکاء اور 200 عالمی اسیکرز کی آمد متوقع ہے۔

اس بین الاقوامی فورم میں بلاک چین سلوشنز، کرپٹو، مائننگ، ٹریڈنگ، ڈیجیٹل اثاثوں اور سرمایہ کاری کے شعبوں پر پینل ڈسکشنز اور سیشنز ہوں گے۔ ایونٹ کی اہمیت کو مزید بڑھانے کے لیے اس کے ساتھ ‘اے آئی فیوچر فورم’ بھی منعقد کیا جا رہا ہے، جہاں مصنوعی ذہانت اور مستقبل کے ڈیجیٹل بزنس ماڈلز پر تبادلۂ خیال کیا جائے گا۔ فیسٹیول ایرینا میں جدید ایگزیبیشن زونز اور بزنس میٹنگ ایریاز قائم کیے گئے ہیں تاکہ عالمی سرمایہ کاروں، اسٹارٹ اپس اور ٹیکنالوجی ماہرین کو باہمی شراکت داری اور نیٹ ورکنگ کے بہترین مواقع میسر آسکیں۔