کوئی فرد واحد یا سیاسی جماعت نئے انتظامی یونٹس روک نہیں سکتی: محسن نقوی
Web Desk
5 September 2026
لاہور: وفاقی وزیر داخلہ محسن نقوی نے انتظامی ڈھانچے کی بہتری اور نئے صوبوں کے قیام پر زور دیتے ہوئے کہا ہے کہ نئے ایڈمنسٹریٹو یونٹس کا فیصلہ عوام کی رائے سے ہونا چاہیے اور کوئی فرد واحد یا سیاسی جماعت عوامی خواہشات کو نہیں روک سکتی۔
لاہور میں قومی پالیسی ڈائیلاگ سے خطاب کرتے ہوئے وزیر داخلہ نے کہا کہ 79 سال گزرنے کے بعد بھی اگر ہم متوقع نتائج حاصل نہیں کر پا رہے تو قومی نظام کو ’ری سیٹ‘ کرنا وقت کی اشد ضرورت ہے۔ انہوں نے وضاحت کی کہ ری سیٹ سے مراد نظام کو توڑنا نہیں بلکہ آئین کی حد میں رہتے ہوئے خامیوں کو درست کرنا اور پاور نچلی سطح تک منتقل کرنا ہے۔ انہوں نے انکشاف کیا کہ ملک میں ڈھائی کروڑ بچے اسکولوں سے باہر ہیں، 55 فیصد آبادی صاف پانی سے محروم ہے اور عدالتوں میں 20 لاکھ سے زائد مقدمات زیرِ التوا ہیں، جس سے یہ ظاہر ہوتا ہے کہ موجودہ انتظامی ڈھانچہ ناکام ہو چکا ہے۔
محسن نقوی نے اسلام آباد کو مکمل صوبہ بنانے کی بھرپور حمایت کرتے ہوئے کہا کہ اسلام آباد کے شہریوں کو این ایف سی ایوارڈ کا حصہ نہیں ملتا اور سی ڈی اے زمینیں بیچ کر نظام چلا رہا ہے۔ انہوں نے نئے صوبوں کے معاملے پر تمام سیاسی جماعتوں کو باہمی اتفاقِ رائے پیدا کرنے اور لسانی یا قومی تعصب سے بالاتر ہو کر گڈ گورننس کو عوام کی دہلیز تک پہنچانے کا مشورہ دیا۔
متعلقہ عنوانات
بشریٰ بی بی کو علاج کے لیے ہسپتال منتقل کرنے کی درخواست اسلام آباد ہائیکورٹ میں دائر؛ مکمل طبی ریکارڈ طلب
16 November 2026
کے پی میں 3 ایم پی او حراست اور گورنر راج کیس؛وفاقی آئینی عدالت میں فریق بننے کے لیے متفرق درخواستیں دائر کر دیں
16 November 2026
پشاور ہائیکورٹ کو ایمرجنسی اور ایم پی او کے علاوہ آرٹیکل 199 کے دیگر مقدمات سننے کی اجازت مل گئی
16 November 2026
ایران امریکا تنازع کا حل دھمکیوں اور فوجی کارروائیوں میں نہیں: عباس عراقچی
16 November 2026
جے شاہ دوسری مدت کیلئے بلامقابلہ آئی سی سی چیئرمین منتخب
16 November 2026
تھائی لینڈ کے سیاحتی جزیرے فوکٹ میں خوفناک آتشزدگی، 11 افراد ہلاک
16 November 2026
کراچی میں دہشتگردی کا بڑا منصوبہ ناکام، کالعدم تنظیم کے 2 کارندے گرفتار
16 November 2026
آئینی عدالت نے تھری ایم پی او کے تحت گرفتاریوں پر حکم امتناع میں ترمیم کر دی
16 November 2026