نیپال میں سیلاب کی تباہ کاریوں نے پاکستانی قوم کو بھی غمزدہ کر دیا: بلاول بھٹو

پاکستان پیپلز پارٹی کے چیئرمین بلاول بھٹو زرداری نے نیپال میں تباہ کن سیلاب کے باعث ہونے والے شدید جانی و مالی نقصان پر گہرے دکھ اور افسوس کا اظہار کرتے ہوئے متاثرین اور نیپالی حکومت کے ساتھ مکمل یکجہتی کا اعادہ کیا ہے۔ اسلام آباد سے جاری اپنے بیان میں انہوں نے کہا کہ سیلاب کی تباہ کاریوں نے پاکستانی قوم کو غمزدہ کر دیا ہے اور ہماری ہمدردیاں ان خاندانوں کے ساتھ ہیں جنہوں نے اپنے پیاروں اور گھر بار کو کھو دیا۔ بلاول بھٹو زرداری نے موسمیاتی بحران کے سنگین خطرات پر زور دیتے ہوئے کہا کہ پاکستان اور نیپال جیسے ممالک گلوبل وارمنگ میں کم سے کم حصہ رکھنے کے باوجود موسمیاتی آفات کا سب سے زیادہ بوجھ اٹھا رہے ہیں، لہٰذا عالمی برادری کو اس بحران سے نمٹنے اور متاثرہ اقوام کی مدد کے لیے ہنگامی بنیادوں پر مشترکہ و موثر اقدامات کرنے ہوں گے۔