پولیس اور عدالتی نظام ناقص ، پورے سسٹم کو جڑ سے اکھاڑنا ہوگا: حافظ نعیم الرحمان

امیرِ جماعت اسلامی حافظ نعیم الرحمان نے فیصل آباد میں کارکنوں سے گفتگو کرتے ہوئے شدید تنقید کی اور کہا کہ پاکستان میں پولیس اور عدالتی نظام مفلوج ہو چکا ہے، جہاں 24 لاکھ مقدمات زیرِ التوا ہیں اور ججز چھٹیوں پر ہیں، جس کے باعث پورے نظام کو بدلنے کے لیے ایک بڑی تحریک کی ضرورت ہے۔ انہوں نے حکومت سے پٹرولیم لیوی کے خاتمے، آئی پی پیز مافیا کی روک تھام اور عوام کو سستی روٹی کی فراہمی کا مطالبہ کیا۔ حافظ نعیم نے پمز ہسپتال کے واقعے پر پیپلز پارٹی، ن لیگ اور ایم کیو ایم کو نورا کشتی میں مصروف قرار دیا اور پیپلز پارٹی کو شدید تنقید کا نشانہ بنایا۔ مزید برآں، انہوں نے پنجاب میں امن و امان اور ڈیٹا سینٹرز کی عدم موجودگی پر تشویش کا اظہار کرتے ہوئے اپوزیشن اور نوجوانوں سے جماعت اسلامی کا ساتھ دینے کی اپیل کی۔