صدر مملکت سے سعودی سفیر کی الوداعی ملاقات، عوامی محبت و تعاون پر اظہار تشکر

سعودی عرب کے سفیر نواف بن سعید المالکی نے ایوانِ صدر میں صدرِ مملکت آصف علی زرداری سے الوداعی ملاقات کی۔ اس موقع پر صدر مملکت نے 2017 سے پاکستان میں تعینات سعودی سفیر کی مخلصانہ خدمات اور دونوں ممالک کے درمیان دوطرفہ، اقتصادی، تجارتی اور تزویراتی تعلقات کو مستحکم بنانے کے لیے ان کے کلیدی کردار کو سرایا۔ آصف علی زرداری نے کہا کہ پاکستان سعودی عرب کے ساتھ اپنی آزمودہ دوستی کو انتہائی قدر کی نگاہ سے دیکھتا ہے۔ سعودی سفیر نے اپنے قیام کے دوران ملنے والی محبت اور تعاون پر حکومت اور پاکستانی عوام کا شکریہ ادا کرتے ہوئے کہا کہ وہ پاکستان کو ہمیشہ اپنا دوسرا گھر اور قدر کی نگاہ سے دیکھیں گے۔ ملاقات میں سینیٹر شیری رحمٰن بھی موجود تھیں۔