پاک فوج کا اہم اقدام، استور سے سکردو تک 66 کلومیٹر روڈ ٹریک مکمل

پاک فوج نے گلگت بلتستان میں ایک اور عظیم الشان تعمیراتی کارنامہ انجام دیتے ہوئے شقمہ استور سے منٹھو سکردو تک 66 کلومیٹر طویل انتہائی دشوار گزار روڈ ٹریک انتہائی قلیل عرصے میں تعمیر مکمل کر لیا ہے۔ اس اہم بنیادی ڈھانچے کی منتقلی اور روڈ کی افادیت کے نتیجے میں استور اور سکردو کے درمیان فاصلہ اور سفر کا وقت گھٹ کر محض چند گھنٹوں کا رہ گیا ہے۔

اس سڑک کی تعمیر کے باعث گلتری کی پھوٹاکس وادی کے 8 اہم دیہاتوں کا اپنے ڈسٹرکٹ ہیڈ کوارٹر سے براہِ راست زمینی رابطہ بحال ہو چکا ہے۔ اس نئے روڈ ٹریک سے جہاں دونوں اضلاع کے درمیان مقامی تجارت، زراعت اور لائیو اسٹاک کی نقل و حمل کو بے پناہ فروغ ملے گا، وہیں سیاحت اور علاقائی معیشت پر بھی مثبت اثرات مرتب ہوں گے۔ دفاعی خطوط کی مضبوطی کے ساتھ ساتھ عوام کی سماجی و اقتصادی خوشحالی اور انفراسٹرکچر کی تعمیر و ترقی پاک فوج کی اولین ترجیحات کا روشن ثبوت ہے۔