منشیات و اسلحہ برآمدگی کیس، عدالت کا انمول عرف پنکی کو پیش کرنے کا حکم

کراچی کی جوڈیشل مجسٹریٹ (جنوبی) کی عدالت نے منشیات فروشی اور غیر قانونی اسلحہ برآمدگی کے مقدمات میں نامزد ملزمہ انمول عرف پنکی اور اس کے شریک ملزمان کو آئندہ سماعت پر ذاتی طور پر عدالت میں پیش کرنے کا حکم جاری کر دیا ہے۔

سماعت کے دوران جیل حکام کی جانب سے ملزمہ اور دیگر شریک ملزمان کو ویڈیو لنک کے ذریعے پیش نہ کیے جانے پر عدالت نے برہمی کا اظہار کیا۔ عدالت نے ریمارکس دیے کہ کیس میں ملزمہ کی ذاتی حاضری انتہائی ضروری ہے کیونکہ ویڈیو لنک کے ذریعے مقدمے کی قانونی نقول (Case Copies) فراہم کرنا ممکن نہیں ہے۔ عدالت نے کیس کی مزید سماعت 13 اکتوبر تک ملتوی کرتے ہوئے تمام ملزمان کی حاضری یقینی بنانے اور مفرور ملزمان کے خلاف اشتہاری قرار دینے کی کارروائی جاری رکھنے کی ہدایت کی۔ پراسیکیوشن کے مطابق ملزمہ انمول پنکی پر بڑے پیمانے پر منشیات کی خریدوفرخت کے الزامات ہیں اور تمام ملزمان کے خلاف تھانہ گارڈن میں مقدمات درج ہیں