مصباح ارشد نئی مس یونیورس پاکستان 2026 منتخب

مصباح ارشد کو مس یونیورس پاکستان 2026 منتخب کر لیا گیا ہے، جہاں وہ نومبر میں پورٹو ریکو میں ہونے والے 60 ویں عالمی مس یونیورس مقابلے (ڈائمنڈ اینیورسری) میں پاکستان کی نمائندگی کریں گی۔ مس یونیورس پاکستان 2026 کی تاج پوشی کی تقریب منیلا (فلپائن) کے رزَل پارک ہوٹل میں فلمائی گئی جسے یوٹیوب پر دو حصوں میں جاری کیا گیا۔ مصباح ارشد فائنل میں 9 دیگر امیدواروں کو شکست دے کر اس اعزاز کی حقدار قرار پائیں۔

جرمنی کی یونیورسٹی آف ہیگن سے نفسیات کی تعلیم حاصل کرنے والی 24 سالہ مصباح ارشد اس سے قبل بھی متعدد حسن کے مقابلوں میں پاکستان کی نمائندگی کر چکی ہیں۔ وہ مس پاکستان ورلڈ 2023، مس اورا پاکستان 2023، مس انٹرنیشنل پاکستان 2023 اور مس سپرا نیشنل پاکستان 2024 بھی رہ چکی ہیں۔ 24 نومبر 2026 کو سان خوان، پورٹو ریکو میں منعقد ہونے والے عالمی مقابلے میں دنیا بھر سے 130 امیدوار شریک ہوں گی، جہاں وہ پاکستان کی ثقافت اور مثبت تشخص کو اجاگر کریں گی۔