زرمبادلہ کے ذخائر میں 2.5 کروڑ ڈالر کا اضافہ ریکارڈ

اسٹیٹ بینک آف پاکستان (SBP) کی جانب سے جاری کردہ ہفتہ وار رپورٹ کے مطابق ایک ہفتے کے دوران مرکزی بینک کے زرمبادلہ کے ذخائر میں 2.5 کروڑ (25 ملین) ڈالر کا اضافہ ریکارڈ کیا گیا ہے۔ اس اضافے کے بعد 13 اگست کو ختم ہونے والے ہفتے تک پاکستان کے مجموعی ملکی زرمبادلہ کے ذخائر کی مالیت 22 ارب 50 کروڑ 61 لاکھ ڈالر کی سطح پر پہنچ گئی ہے۔ رپورٹ میں بتایا گیا ہے کہ ہفتے کے اختتام پر اسٹیٹ بینک کے پاس موجود خالص زرمبادلہ کے ذخائر 17 ارب 8 کروڑ 19 لاکھ ڈالر رہے، جبکہ تجارتی (کمرشل) بینکوں کے پاس 5 ارب 42 کروڑ 42 لاکھ ڈالر کے ذخائر موجود ہیں