بنگلہ دیشی اداکارہ ردھیکا ردھی کی پراسرار موت، مرد دوست گرفتار

بنگلہ دیش کی معروف ماڈل اور اداکارہ ردھیکا ردھی ڈھاکہ کے علاقے بشوندھرا میں واقع اپنے گھر سے مردہ برآمد ہوئی ہیں۔ پولیس کے مطابق وہ اپنے کمرے میں چھت کے پنکھے سے لٹکی ہوئی پائی گئیں، جس کے بعد انہیں فوری ہسپتال منتقل کیا گیا تاہم ڈاکٹروں نے ان کی موت کی تصدیق کر دی۔ اوٹارا پولیس اسٹیشن کے انچارج مظہر الاسلام نے ابتدائی تحقیقات کے بعد واقعہ کو خودکشی قرار دیا ہے۔ خاندانی اور پولیس ذرائع کے مطابق رِدھی کا اپنے دوست کے ساتھ ویڈیو کال پر جھگڑا ہوا تھا، جس کے بعد انہوں نے مبینہ طور پر یہ قدم اٹھایا۔ پولیس نے کارروائی کرتے ہوئے اداکارہ کے مرد دوست کو گرفتار کر کے تمام پہلوؤں سے تفتیش شروع کر دی ہے۔ ردھیکا نے ‘ایکھانے مانوش بکری ہوئی’، ‘بہوروپی’ اور ‘ڈبل ہنی مون’ جیسے مقبول ڈراموں میں اداکاری کے جوہر دکھائے تھے۔