خیبر پختونخوا کے مزید 4 تاریخی مقامات یونیسکو کی فہرست میں شامل

خیبر پختونخوا کے چار اہم تاریخی اور آثارِ قدیمہ کے مقامات—ہری پور کے بھامالا، پشاور کے سیٹھی ہاؤس و گور گٹھری اور سوات کے بریکوٹ—کو یونیسکو کے عالمی ثقافتی ورثے کی عارضی فہرست میں شامل کر لیا گیا ہے۔ صوبائی وزیر اطلاعات و تعلقات عامہ شفیع جان نے اس پیشرفت کو صوبائی حکومت کی بڑی کامیابی اور علاقے کے مالا مال ثقافتی ورثے کا عالمی اعتراف قرار دیا۔ انہوں نے کہا کہ اس اقدام سے عالمی سطح پر خیبر پختونخوا کے تاریخی مقامات کی اہمیت مزید اجاگر ہوگی اور بین الاقوامی سیاحت کو فروغ ملے گا۔ وزیر اطلاعات کا مزید کہنا تھا کہ بانی چیئرمین پی ٹی آئی عمران خان کے وژن اور وزیراعلیٰ سہیل آفریدی کی قیادت میں صوبے کی تاریخی و ثقافتی امانتوں کا تحفظ، بحالی اور عالمی سطح پر تعارف صوبائی حکومت کی اولین ترجیح ہے۔