شمالی کوریا کے رہنما کم جونگ اُن نے پیشکش کا جواب دیدیا: امریکی صدر

امریکی صدر ڈونلڈ ٹرمپ نے انکشاف کیا ہے کہ شمالی کوریا کے رہنما کم جونگ اُن نے ان کی جانب سے کی گئی پیشکش اور رابطے کا جواب دے دیا ہے۔ اوول آفس میں صحافیوں سے گفتگو کرتے ہوئے جب ان سے پوچھا گیا کہ کم جونگ اُن نے ابھی تک جواب کیوں نہیں دیا، تو ٹرمپ نے کہا کہ “انہوں نے جواب دیا ہے”، تاہم انہوں نے اس خط یا جواب کی مزید تفصیلات بتانے سے گریز کیا۔ یہ پیشرفت اس وقت سامنے آئی ہے جب ڈونلڈ ٹرمپ نے جنوبی کوریا کے ساتھ جاری امریکی مشترکہ فوجی مشقوں میں نمایاں کمی کا حکم دیا ہے۔ امریکی صدر نے مزید کہا کہ کم جونگ اُن ہمیشہ ان کے ساتھ احترام سے پیش آئے ہیں اور دونوں رہنما ایک دوسرے کو بخوبی سمجھتے ہیں۔