امریکا، ایران کے مذاکرات کسی باہمی مفاہمت تک نہیں پہنچ سکے: جیرڈ کشنر

امریکی صدر کے خصوصی ایلچی جیرڈ کشنر نے انکشاف کیا ہے کہ ایران اور امریکا کے درمیان مذاکرات سنجیدہ اور وسیع پیمانے پر جاری ہیں، تاہم فریقین ابھی تک کسی حتمی باہمی مفاہمت یا اتفاقِ رائے تک نہیں پہنچ سکے۔ فاکس نیوز کو دیے گئے انٹرویو میں جیرڈ کشنر کا کہنا تھا کہ اس وقت امریکا اور ایرانی حکومت کے مختلف اداروں کے درمیان بات چیت کا عمل ماضی کی نسبت کہیں زیادہ مضبوط اور فعال ہے، لیکن دونوں جانب سے اب تک کسی حتمی معاہدے کی صورت سامنے نہیں آ سکی ہے۔