عالمی مارکیٹ میں برطانوی خام تیل کی قیمت 90 ڈالر فی بیرل سے تجاوز کر گئی

مشرقِ وسطیٰ میں مسلسل بڑھتی ہوئی کشیدگی کے باعث عالمی مارکیٹ میں خام تیل کی قیمتوں میں اضافے کا سلسلہ تیز ہو گیا ہے۔ تازہ ترین اعداد و شمار کے مطابق برطانوی خام تیل (برینٹ کروڈ) کی قیمت 1.9 ڈالر کے اضافے کے ساتھ 90.42 ڈالر فی بیرل تک پہنچ گئی ہے۔ اسی طرح امریکی خام تیل (ڈبلیو ٹی آئی) بھی 1.57 ڈالر کے اضافے کے بعد 84 ڈالر فی بیرل کی سطح پر آ گیا ہے۔ علاوہ ازیں، متحدہ عرب امارات کے مربن کروڈ آئل کی قیمت میں 7 فیصد کا بڑا اضافہ ریکارڈ کیا گیا ہے جس کے بعد اس کی نئی قیمت 95 ڈالر فی بیرل ہو گئی ہے۔