راولپنڈی: نوجوان وی لاگر موٹر سائیکل سمیت دریائے سواں میں گر کر جاں بحق

پاکستان کی معروف بائیکر اور سوشل میڈیا وی لاگر کومل خان راولپنڈی میں پیش آنے والے ایک انتہائی افسوسناک سڑک حادثے میں جان کی بازی ہار گئیں۔ 28 سالہ کومل خان موٹر سائیکلنگ، ایڈونچر اور ڈیجیٹل کنٹینٹ کریشن کے شعبے میں ایک منفرد پہچان رکھتی تھیں۔

کومل خان سوشل میڈیا پر اپنے روزمرہ کے بائیکنگ کے سفر، مختلف خوبصورت سیاحتی مقامات کی ریلز اور ویڈیوز اپنے مداحوں کے ساتھ شیئر کرتی تھیں۔ ٹک ٹاک پر ان کے فالوورز کی تعداد تقریباً 5 ہزار تھی، جبکہ ان کے پروفائل بائیو پر درج جملہ “دو پہیوں پر دنیا گھومنے کے لیے پیدا ہوئی لڑکی” ان کے جنون اور سفر سے محبت کی واضح عکاسی کرتا تھا۔ ان کی ناگہانی موت پر سوشل میڈیا صارفین اور ان کے فالوورز گہرے دکھ اور افسوس کا اظہار کر رہے ہیں۔