پاکستان سٹاک مارکیٹ میں انڈیکس ایک لاکھ 80 ہزار پوائنٹس کی حد پر بحال

پاکستان سٹاک مارکیٹ میں تیزی کا رجحان غالب آ گیا، جس کے نتیجے میں کے ایس ای-100 انڈیکس ایک بار پھر ایک لاکھ 80 ہزار پوائنٹس کی اہم نفسیاتی حد پر بحال ہو گیا ہے۔ کاروباری ہفتے کے تیسرے روز مارکیٹ کے آغاز پر ہی مثبت رجحان دیکھا گیا اور 1,000 سے زائد پوائنٹس کے اضافے کے ساتھ ہنڈرڈ انڈیکس 1 لاکھ 80 ہزار 863 پوائنٹس کی سطح پر پہنچ گیا۔ واضح رہے کہ اس سے قبل گزشتہ کاروباری روز کے اختتام پر انڈیکس میں 1,463 پوائنٹس کی شدید مندی ریکارڈ کی گئی تھی اور مارکیٹ 1 لاکھ 79 ہزار 846 پوائنٹس کی سطح پر بند ہوئی تھی، تاہم آج مسلسل خریدو فروخت کے باعث مارکیٹ نے اپنی کھوئی ہوئی سطح دوبارہ حاصل کر لی ہے۔