صدر مملکت آصف علی زرداری کا دو روزہ دورہ لاہور مکمل، اسلام آباد روانہ

صدر مملکت آصف علی زرداری اپنا دو روزہ دورہ لاہور مکمل کر کے واپس روانہ ہو گئے ہیں۔ لاہور ایئرپورٹ پر وفاقی وزیر داخلہ محسن نقوی اور قائم مقام گورنر پنجاب ملک احمد خان نے صدر مملکت کو رخصت کیا۔ اپنے اس دو روزہ قیام کے دوران صدر آصف علی زرداری نے وزیر داخلہ محسن نقوی سے ایک اہم ملاقات کی جس میں ملک کی سیاسی و سیکیورٹی صورتحال اور باہمی دلچسپی کے دیگر امور پر تفصیلی تبادلہ خیال کیا گیا۔

اس کے علاوہ صدر مملکت نے دورہ لاہور کے دوران مختلف سیاسی و اہم شخصیات سے بھی ملاقاتیں کیں اور اہم قومی و انتظامی معاملات پر گفتگو کی۔ تمام مصروفیات مکمل کرنے کے بعد صدر مملکت لاہور ایئرپورٹ سے واپس روانہ ہو گئے۔